2023-жылы Кытай-Кыргызстан-Өзбекстан темир жолунун курулушу башталат. Мындай пикирин Министрлер кабинетинин төрагасы Акылбек Жапаров Жогорку Кеңештин жыйынында билдирди.
Анын айтымында, учурда долбоордун сметасын эсептөө уланууда.
"Буйруса 2023-жылы ири долбоорлордун бири Кытай-Кыргызстан-Өзбекстан темир жолунун курулушу башталат. Жазында долбоор даяр болсо, күзүндө башталат деген божомол бар.
Мындан сырткары, ири долбоор Камбар-Ата 1 ГЭСинин курулушу. Азыр Өзбекстан менен Казакстан курууга даяр экенин билдирип жатат. Бирок биз чет өлкөлүк компаниялар менен дагы сүйлөшүп жатабыз",- деди Жапаров.
Депутат Сүйүнбек Өмүрзаков кошуна мамлекеттер менен мындай стратегиялык долбоорду куруу кийин келечек муундарга маселе жаратпагандай кылып чечүүнү сунуштады.
Пикирлер (0)
Пикир жок. Сиз биринчилерден болушуңуз мүмкүн