Ленин шайлоо округу боюнча Жогорку Кеңештин депутаттыгына талапкер Турсунбай Бакир уулунун кайра шайлоого катышуудан баш тартуусу боюнча БШКга арыз түшкөн эмес. Бул тууралуу БШКдан билдиришти.
Мекеменин маалыматына караганда, буга чейин ал мандат үчүн күрөштү улантууну каалабай турганын УТРКнын эфиринде (5-сентябрда) теледебат учурунда билдирген. Турсунбай Бакир уулу шайлоого барбай турганын жана талапкерлердин бирин колдоого даяр экенин айтып, бирок ким экенин так айткан эмес.
БШКнын үгүт иштери боюнча жумушчу тобу талапкерлерди шайлоочулардын алдында жоопкерчиликтүү болууга жана шайлоого ак ниеттүүлүк менен катышууга чакырат.
Пикирлер (0)
Пикир жок. Сиз биринчилерден болушуңуз мүмкүн