Бишкекте эгиз уулдуу болгон ата-эне балдарына Садыр, Камчыбек деген ысым ыйгарышты. Бул тууралуу "Супер.кг порталына алардын кошунасы билдирди.
Анын айтымына караганда, учурда эне менен наристелердин абалы жакшы.
"Эгиз уулдардын салмагы 2 килограмм 700 граммдан. Алар бүгүн, 15-ноябрь күнү саат 08:00 чамасында №4 төрөт үйүндө жарык дүйнөгө келишти. Эгиздер ата-эненин төртүнчү балдары. Кошунамдын жакын туугандары кеңешип уулдарына Садыр, Камчыбек деген ат коюшту. Алар түндүк менен түштүктү бириктирген, элине тынчтык орноткон, элге күйгөн уулдардан болсун деп ушул атты тандашыптыр",- деп билдирген эгиздердин ата-энесинин кошунасы.
Пикирлер (0)
Пикир жок. Сиз биринчилерден болушуңуз мүмкүн