Бишкектеги 2-төрөт үйү оңдоо иштери үчүн жабылды

Бишкектеги №2 клиникалык төрөт үйү оңдоо-профилактикалык иштерине жабылды. Бул тууралуу “Кабар” агенттиги кабарлады.

Маалыматка ылайык, төрөт үйү жыл бою COVID-19 инфекциясы аныкталган аялдарды кабыл алып келген.

“Бардык медициналык мекемелер жыл сайын оңдоо иштерин, ошондой эле дезинфекциялоо иштерин жүргүзүүсү зарыл. Буга байланыштуу төрөт үйү 23-августтан 20-сентябрга чейин жабылган”, - деп айтылат билдирүүдө.

Шаардык саламаттык сактоо башкармалыгынан белгилешкендей, борбордогу COVID-19га шектүү же тастыкталган диагнозу коюлган төрөтү жакындаган аялдар Ысык-Ата аймактык ооруканасына кабыл алынат.