Ысык-Ата районунда мечит катары пайдаланылып келген мурдагы мектептин имараты мамлекетке кайтарылганын Башкы прокуратуранын маалымат кызматы кабарлады.
Билдирмеге караганда, Бирдик айылындагы мектептин баасы 709 чарчы метр жери менен 22 миллион 84 миң сомду түзөт.
"Ысык-Ата райондук прокуратурасы текшерүү жүргүзүп, анын жыйынтыгында Кант райондук администрациясы (азыркы Ысык-Ата райондук администрациясы) жана Бирдик айыл өкмөтүндө иштегендер айылдагы мектептин имараты менен анын жер тилкесин мечит катары пайдалануу үчүн жеке менчикке мыйзамсыз өткөрүп жибергени аныкталган. Билим берүү мекемесинин имараты мамлекеттин менчигине кайтарылды", — деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн