Бүгүн, 8-сентябрда Жогорку Кеңештин депутаты Нуржигит Кадырбеков парламенттин жыйынында Бишкектеги таштанды полигонунун түтөп жатканына тынчсыздануусун билдирди.
Анын айтымында, Бишкектин түндүк тарабындагы бир нече конуштардын жашоочулары ууланып жатат.
"Ары-бери өткөндө сиздер да көрүп жатсаңыздар керек. Таштанды полигону токтобой түтөп жатат.
Андан Төмөнкү Ала-Арча, Ак-Босого, Дордой 1, 2, Мурас-Ордо, Калыс-Ордо, Теңдик, Ак-Жар, Ак-Бата жана башка конуштардын тургундары дем алып жатат.
Мурдагы мэрдин тушунда жок дегенде түтүн токтогон эле.
Таштанды кайра иштетүүчү завод курулат десе баарыбыз сүйүндүк эле кана завод, акча кайда?",- деди депутат.
Пикирлер (0)
Пикир жок. Сиз биринчилерден болушуңуз мүмкүн