2024-жылы “Кыргызкөмүр” ишканасы Кытайга көмүр экспорттой баштайт. Бул тууралуу экинчи Элдик Курултайда министрлер кабинетинин төрагасы Акылбек Жапаров билдирди.
Көмүр төрт кенден – Ак-Улак, Урмезан, Кара-Кече жана Беш-Буркандан казылат.
Министрлер кабинетинин төрагасы Акылбек Жапаров 2025-жылга чейин Нарын облусунда көмүрдү байытуу заводу куруларын билдирди.
Өкмөт башчы белгилегендей, 2024-жылы 30 миң тонна битум өндүрүлүп, 450 чакырым жол асфальтталат.
«Түндүк-түштүк жолундагы Көк-Арт туннели бүткөрүлүп, жол ачылат», - деди ал.
Мындан тышкары, министрлер кабинети 2026-жылы пайдаланууга берилиши күтүлүп жаткан Балыкчы-Кочкор темир жолунун дагы 20 чакырымын курууну пландоодо.
Пикирлер (0)
Пикир жок. Сиз биринчилерден болушуңуз мүмкүн