Антимонополия: Жылыткычтарга, көмүргө жана азык-түлүктөргө болгон баа көтөрүлбөйт

Бишкек ТЭЦиндеги авариядан улам азык-түлүктүн, жылыткычтардын жана көмүрдүн баасы өспөйт. Бул тууралуу Монополияны жөнгө салуу агенттиги билдирди.

Маалыматка ылайык, бааны жасалма түрдө көтөрүүгө жол берилбеши керектиги боюнча бардык соода объектилеринде, ири базарларда ("Дордой", "Аламүдүн", "Орто-Сай") түшүндүрүү иштерин жүргүздү. Мындан тышкары, соода борборлору менен базарлардын администрацияларына баага көз салуу тапшырмасы берилген.

"Жылыткычтарды саткан дүкөндөргө дагы эскертүү берилди", — деп айтылат маалыматта.

Министрлик ири базаларда көмүр жетиштүү деп ишендирди.