Ата-энеси чет өлкөгө иштегени кеткен. Кара-Балтада 7 жаштагы кыз ач калып каза болду

14-январда Жайыл аймактык ооруканасына 7 жаштагы кыз эсин жоготкон абалда келип түшкөн. Бул тууралуу "Турмуш" басылмасы кабарлады.

Маалым болгондой, аймактык оорукананын дарыгерлери болгон аракетти жасаганына карабай өспүрүм кыз жандандыруу бөлүмүндө каза болгон.

Кыздын ата-энеси иштеп келүү үчүн чет өлкөгө кеткен. Үй-бүлөдөгү 5 балага 18 жаштагы кыз карап калган.

Дарыгерлердин маалыматы боюнча кыз ач калып каза болгон.

Алардын үйүндө азык-түлүк да, көмүр да жок болгон.

Учурдаг укук коргоо органдары тиешелүү иш-чараларды өткөрүүдө.