Баткенде таштандыны кайра иштетүүчү завод ишке кирди (фото)

Баткен районунун Чек айылында таштандыны кайра иштетүүчу ишкана ачылды. Бул тууралуу "Баткен таңы" гезити кабарлады.

Маалыматка ылайык, жеке ишкер Кайрат Абдипаттаевдин демилгеси менен курулган бул ишканада 30 жумушчу иштейт. Сумма 12 миллион сомдук чакан завод таштандыларды, желим бөтөлкөлөрдү кайра иштеп чыгарууга ыңгайлашкан.

Элеттеги бул жакшы саамалыктын ачылуу аземине аким Учкунбек Жоробаев жана өкүл Абдикарим Алимбаевдер катышты.