16-февралда Бишкек – Нарын – Торугарт унаа каттамынын 302-303-чакырымдарына кар көчкү түштү. Бул тууралуу президенттин Нарын облусундагы ыйгарым укуктуу өкүлчүлүгүнөн билдиришти.
Маалыматка ылайык, түшкөн кар көчкүсү түнкү саат 00:30дар чамасында толугу менен тазаланып бүттү. Бирок айрым жерлерде көчкү түшүү коркунучу бар болгондуктан, Нарын облусунун жетекчисинин буйругу менен өзгөчө кырдаал режими киргизилип, адамдардын коопсуздугу үчүн жол каттамы 19-февралга чейин жабылды.
“Жол каттамы кооптуу аймактардагы кар көчкүлөрүн атайын атып түшүрүп, тазалагандан кийин ачылат. Ага чейин айдоочулардан жана жүргүнчүлөрдөн жолго чыкпай турууну өтүнөбүз”, - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн