Бишкек-Ош жолуна кар көчкү түшкөндүгүнө байланыштуу "Сосновка" посту жабылды

Бүгүн, 7-мартта саат 11:30да «Сосновка» постунда унаалардын бардык түрүнө каттам убактылуу жабылды. Бул тууралуу ӨКМнын басма сөз кызматы билдирди.

Маалыматка ылайык, Чүй  облусунун Жайыл районунда  Бишкек-Ош унаа жолунун  болжол менен 120-121-чакырымында (Абла тилкеси) кар көчкү түшкөн (кардын көлөмү такталууда)

Учурда жол убактылуу жабык.

Жерине тазалоо иштерин жүргүзүү үчүн №9 Жол тазалоо ишканасынан  1 жүктөгүч, 1 грейдер, КР ӨКМнин Жайыл райондук ӨК бөлүмүнүн ыкчам топ жана 129-чакырымда нөөмөттө турган 3 куткаруучу тартылган.