Бишкек шаарында коронавирус боюнча өз алдынча кайрылуу кызматы толук кандуу иштей баштагандан бери 207 жаран кайрылды. Бул туурасында вице-мэр Татьяна Кузнецова брифинг учурунда билдирди.
"Алардын ичинен, 34 учурдун жуктурган шарттары белгисиз”, - деди ал.
Вице-мэр белгилегендей, буга чейин жарандардан тастыкталып жаткан COVID-19 вирусу байланышта болгон жактардан жана сырттан келгендерден аныкталса, экономикалык ишмердүүлүктүн көпчүлүк бөлүгүнүн иши жандандырылгандан тартып ооруну жуктурган учурлар ишкердик тармактын кызматкерлери арасында да табылууда.
Белгилей кетсек, 17-июнга карата республика боюнча СOVID-19 инфекциясынын жаңы 90 учуру катталды. Муну менен республика боюнча жалпы 2562 учур болду.
Пикирлер (0)
Пикир жок. Сиз биринчилерден болушуңуз мүмкүн