Бүгүн, 21-декабрда "Кааба уулу Кожомкул" атындагы спорт сарайында маркум Баяман Эркинбаевдин жаркын элесине арналган "Алыш" бел боо күрөшү боюнча эл аралык Гран-при мелдеш өтүүдө.
Мелдешке Украина, Иран, Казакстан, Өзбекстан жана башка чет өлкөдөн келген балбан эркек жана кыз-келиндер катышууда. Ошондой эле Кыргызстандын балбандары да күч сынамакчы.
Баяман Эркинбаевдин жаркын элесине арналган Гран-при мелдеши анын жакындары жана уулу Адилет Баяман уулу тарабынан уюштурулган.
Эркектер арасында күрөш боюнча жеңүүчүгө автоунаа, ал эми кыз-келиндер арасында жеңүүчүгө 1500 АКШ доллары ыйгарылат. Мындан сырткары, байгелүү орундарга акчалай сыйлыктар тапшырылат.
Мелдештин расмий ачылышы бүгүн 18:00дө өтмөкчү.
Пикирлер (0)
Пикир жок. Сиз биринчилерден болушуңуз мүмкүн