Бишкек шаарындагы Чоң Чүй каналына чөгүп кеткен 5 жаштагы баланы 35 куткаруучу издеди. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, 10-август күнү Биринчи Май районун Патрис Лумумба көчөсүндө Чоң Чүй каналына (ЧЧК) 2015-жылы төрөлгөн кичине бала чөгүп кеткен.
15-август күнү издөө иштерин улантуу максатында КР ӨКМнен жалпы 35 куткаруучу тартылган . Саат 20:20да издөө иштери убактылуу токтотулган. Издөө иштеринен натыйжа чыккан жок. 16-август күнү издөө иштери улантылат.
Белгилей кетсек, буга чейин Чоң Чүй каналында 5 жаштагы баланын сөөгү изделип жатканы айтылган.
Пикирлер (0)
Пикир жок. Сиз биринчилерден болушуңуз мүмкүн