Чолпон-Атада турак үйдөн өрт чыгып, ээси иске ууланып каза болду

Ысык-Көл облусунун Чолпон-Ата шаарында турак үй өрттөнүп 63 жаштагы жаран каза болду. Бул тууралуу Өзгөчө кырдаалдар министрлигинен кабарлашты.

"Акматбай-Ата көчөсүндөгү турак үйдүн 50 чарчы метр бөлмөсү толугу менен күйгөн. Өрттүн кесепетинен 1958-жылы туулган жаран каза болгон. Өрт электр зымдарынын кыска чыңалуусунан улам келип чыккан", - деп билдиришти ӨКМдан.