Чоң Чүй каналынын Бишкек шаарындагы бөлүгүнө агып кеткен 5 жаштагы баланы издөө үчүн 26 куткаруучу тартылды. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, 10-август күнү Биринчи Май районун Патрис Лумумба көчөсүндө Чоң Чүй каналына (ЧЧК) 2015-жылы төрөлгөн кичине бала чөгүп кеткен.
Бүгүн, 13-августта издөө иштерин улантуу максатында саат 06:45те жалпы 26 куткаруучу тартылган.
Белгилей кетсек, буга чейин Чоң Чүй каналында 5 жаштагы баланын сөөгү изделип жатканы айтылган.
Пикирлер (0)
Пикир жок. Сиз биринчилерден болушуңуз мүмкүн