Мамлекеттик салык кызматынын алдындагы "Салык сервис" мамлекеттик мекемеси жаңы интерактивдүү кызматты ишке киргизди, анын жардамы менен ар бир кыргызстандык өзүнүн салыктык чегерүүлөрү кандай пайдаланылып жатканын ачык көрө алат.
Ведомствонун маалыматына караганда, ал үчүн https://my.salyk.kg шилтемеси аркылуу аты-жөнүңүздү жана төлөнгөн салыктын суммасын киргизүү керек. Система бул каражаттар эмнеге жумшалаарын дароо көрсөтөт: социалдык жөлөкпулдарды төлөөдөн жана тез жардам унааларын сатып алуудан баштап, бала бакчаларды жана инфраструктуралык объектилерди курууга чейин.
Салык кызматы жарандарды жаңы кызматты сынап көрүүгө жана анын жыйынтыгын социалдык тармактарда бөлүшүүгө чакырат.
Долбоордун максаты - салыктарды колдонуунун ачыктыгын жогорулатуу жана фискалдык тартипке аң-сезимдүү мамилени калыптандыруу.
Салык кызматынын өкүлүнүн айтымында, сервис элге алардын өлкөнүн өнүгүшүнө кошкон салымынын ролун жакшыраак түшүнүүгө жана муктаж болгондорго колдоо көрсөтүүгө шарт түзөт.
Пикирлер (0)
Пикир жок. Сиз биринчилерден болушуңуз мүмкүн