ИИМдин БМЖКККнын Ысык-Көл жана Нарын облустары боюнча башкармалыгынын кызматкерлери Ысык-Көл районунун аймагында “Куба” аттуу жаран баӊгизатты ири өлчөмдө чогултуп, аларды сатуу максатында сактап жүргөндүгүн аныктады.
ИИМдин басма сөз кызматынын маалыматына ылайык, Ысык-Көл РИИБ кызматкерлери тарабынан тергөө ыкчам иш-чараларын жүргүзүлуп, ал Ысык-Көл районунун тургуну 1977-жылы туулган Д.К.Т. экендиги аныкталган.
Анын кылмыштуу ишмердүүлүгүн аныктап, жоопко тартуу максатында КРнын Кылмыш-жаза кодексинин 283-беренесинин 1-б. негизинде кылмыш иши козголгон.
Кылмыш ишинин алкагында жашаган дарегинде тергөө амалдарын жүргүзүүдө жатуучу бөлмөдөн бир даана капка жана 1 даана кара түстөгү баштыкка салынган өзгөчө жыты бар зат алынып, соттук химиялык экспертизанын корутундусуна ылайык, салмагы 11 кг 095 гр түзгөн марихуана жана анын чаӊын түшүрүү үчүн дайындалган чүпүрөк-торчо табылып алынган.
Пикирлер (0)
Пикир жок. Сиз биринчилерден болушуңуз мүмкүн