Ишембиге караган түнү 85 адам коменданттык сааттын эрежесин бузуп кармалды

Өлкө аймагында 11-апрелге караган түнү коменданттык сааттын эрежелерин бузган 85 адам кармалып, 10 унаа айып аянтчасына токтотулду. Бул тууралуу Ички иштер министрлигинин басма сөз кызматынан билдирди.

Маалыматка ылайык, Бишкек шаарында - 57, Ош шаары - 7, Жалал-Абад шаары - 14, Сузак району – 4, Кара Суу району - 3. Ал эми, Ноокат районунда тартип бузуулар катталган эмес.

                                           
Жалпысынан алганда 25-марттан баштап бүгүнкү күнгө чейин өлкө аймагында 2 327 жаран коменданттык сааттын тартибин бузуп кармалган.