Ысык-Көлдө толкун учурунда сүзүп бара жаткан спортчу изделүүдө

Ысык-Көлдө толкун учурунда сүзүп бара жаткан спортчу изделүүдө. Бул тууралуу ӨКМдин басма сөз кызматы билдирди. 

Маалыматка ылайык, бүгүн, 6-августта саат 13:00 чамасында Тоң районунун Кара-Шаар айылынан Ысык-Көл районунун Тору-Айгыр айылын карай 15 спортчу сүзүп өтүүгө чыгышкан. 

Сүзүп бара жаткан учурда көлдүн ортосунда чоң толкун болуп, 1 спортчу дайынсыз болууда. Кырсык катталган көл ортосунда издөө иштерин жүргүзүүгө Балыкчы шаардык №19 ӨКБдан 4 куткаруучу, Тоң райондук №38 ӨКБдан 4 куткаруучу тартылды. Учурда чөккөн спортчунун аты-жөнү такталууда.

 Кошумча маалымат берилет.