Укук коргоо кызматкерлери чек араны мыйзамсыз кесип өтүп, Кыргызстандын аймагына кирген Өзбекстандын 42 жаштагы жаранын кармашты. Бул тууралуу Жалал-Абад облустук ички иштер башкармалыгынын басма сөз кызматы билдирди.
Жалал-Абад ОИИБдин ыкчам кызматкерлерине чек араны мыйзамсыз кесип өткөн коңшу өлкөнүн жараны шаарда жүргөндүгү тууралуу маалымат түшкөн. Укук коргоо кызматкерлери издөө иштерин баштаган.
«Жалал-Абад шаарында 2023-жылы оор кылмыш жасагандыгы үчүн өз өлкөсүндө издөөдө жүргөн Өзбекстандын жараны 42 жаштагы У.А. кармалды», - деп айтылат маалыматта.
Аталган факты КРнын Кылмыш-жаза кодексинин «Мамлекеттик чек араны мыйзамсыз кесип өтүү» беренеси менен катталган. Кармалган адам убактылуу кармоочу жайга киргизилди. Учурда тергөө иштери уланууда.
Пикирлер (0)
Пикир жок. Сиз биринчилерден болушуңуз мүмкүн