Израилдин премьер-министри Биньямин Нетаньяху Газа тилкесине барып, палестиналык Хамас кыймылына каршы согуш улана турганын айтты.
«Биз акырына чейин - жеңишке чейин улантабыз. Бизди эч нерсе токтото албайт», - деди ал.
Премьер-министр Израилдин аскердик штабынын жетекчилиги менен анклавга барып, армиянын командирлери жана аскерлери менен сүйлөштү. Анын кеңсесинен алынган маалыматка караганда, премьер-министр Газада табылган ХАМАСтын жер астындагы туннелдеринин бирине да барды.
Нетаньяху: «Биздин бул согушта үч максатыбыз бар: Хамасты жок кылуу, уурдалгандардын бардыгын кайтаруу жана Газа тилкеси мындан ары Израил мамлекетине эч качан коркунуч болбошуна кепилдик берүү», - деди.
Белгилей кетсек, ХАМАС менен Израилдин тирешүү 7- октябрдан бери уланууда.
Пикирлер (0)
Пикир жок. Сиз биринчилерден болушуңуз мүмкүн