Баткен облусунун Кадамжай районунда калыбына келтирилген 6 көпүрөнү сел кайра жараксыз абалга келтирди. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, саат 19:30 чамасында Кадамжай районунун Орозбеков айыл аймагында катуу жааган жамгырдын кесепетинен Охна сел өтүүчү сайынан сел жүрүп, 24-июль күнү калыбына келтирилген 6 көпүрөнү кайра жараксыз абалга келтирген.
Жерине райондук Өзгөчө кырдаал бөлүмүнүн ыкчам тобу, айыл аймактын өкүлдөрү чыгышкан. Кошумча маалымат берилери айтылат.
Пикирлер (0)
Пикир жок. Сиз биринчилерден болушуңуз мүмкүн