Казакстанда бир сутка ичинде коронавирус илдетинин жаңы 265 учуру катталды. Бул тууралуу коңшу өлкөнүн Саламаттыкты сактоо министрлигинен билдиришти.
Маалыматка ылайык, COVID-19 инфекциясын жуктургандардын жалпы саны 7 234 адамга жетти. Алардын ичинен илдеттен айыккандар 3777 бейтапты түзсө, каза болгондор 35 кишиге жетти.
Эске салсак, коронавирус илдети 2019-жылдын соңунда Кытайдын Ухань шаарынан чыккан. Ал эми Бүткүл дүйнөлүк саламаттыкты сактоо уюму COVID-19 вирусун 11-мартта пандемия деп тапкан. Учурда дарт 188 өлкөдө катталып, ага чалдыккандардын саны 5 014 943 бейтапты түздү.
Пикирлер (0)
Пикир жок. Сиз биринчилерден болушуңуз мүмкүн