Кемин жана Аламүдүн райондорунда сууга чөгүп кеткен 15 жаштагы балдардын сөөгү табылды. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, Кемин районундагы Жел-Арык айылындагы көлмөгө 9-август күнү 2005-жылы туулган эркек бала чөгүп кеткен. Издөө иштерин жүргүзүү үчүн 4 куткаруучу тартылып, саат 19:35те маркумдун жансыз денесин суудан чыгарып, ИИМ кызматкерлерине өткөрүп беришкен.
Ошондой эле 9-август күнү Аламүдүн районунун Лебединовка айылындагы чакан ГЭСке 2005-ж.т. эркек бала чөгүп кеткен. Издөө иштерин жүргүзүү үчүн 3 куткаруучу тартылып, саат 00:15те иш-чаралар убактылуу токтотулган. 10-август күнү издөө иштерин улантуу максатында 5 куткаруучу тартылып, саат 07:00дө маркумдун жансыз денеси табылып, ИИМ кызматкерлерине өткөрүлүп берилген.
Пикирлер (0)
Пикир жок. Сиз биринчилерден болушуңуз мүмкүн