Кыргызстанда түндөгү жер титирөө 3 баллдан 6 баллга жеткен

Кыргызстанда түндө 3 баллдан 6 баллга жеткен жер титирөө болгонун ӨКМ билдирди.

"Ысык-Көл облусунун Жети-Өгүз районунун "Кумтөр Голд Компани" ишканасынын аймагында 6 балл, Каракол шаарында, Тоң районунун Кажы-Сай айылында 4,5 балл, Нарын облусунун Нарын шаарында 4 балл, Бишкек шаарында 3 баллга жетти", — деп айтылган маалыматта.

Министрлик алдын ала маалымат боюнча жер титирөөдөн жабыркагандар жана кыйроолор катталбаганын билдирди.

Сейсмология институту жер силкинүүнүн магнитудасы Кытайдын аймагында 8ге жеткенин билдирген.