Саламаттык сактоо министрлигине 17-сентябрда COVID-19 илдетине каршы күрөшүү үчүн Кувейт мамлекетинен акысыз жардам иретинде келген медициналык жеке коргонуу каражаттар тапшырылды. Бул тууралуу министрликтин басма сөз кызматы билдирди.
Маалыматка караганда, гуманитардык жардам «Ас-Сафа Борбору» коомдук бирикмеси тарабынан берилди. Анда төрт катмарлуу беткаптар – 125 000 даана, бетти коргоочу калкандар – 500 даана, PPE костюмдары – 800 даана, инфракызыл термометрлер – 100 даана тапшырылды.
Пандемия учурунда «Ас-Сафа Борбору» коомдук бирикмеси 32 800 000 сом бөлүп берген, ал каражат өпкөнү жасалма желдетүүчү аппараттарын жана жеке коргонуу каражаттарын сатып алууга, эң зарыл азыктарды таратууга жана 3 күндүзгү стационарларды уюштурууга жумшалган.
Пикирлер (0)
Пикир жок. Сиз биринчилерден болушуңуз мүмкүн