Күйөөсү атка сүйрөткөн келиндин боору эзилип каза болгон. Кочкордогу окуя

Нарындагы 22 жаштагы келинди күйөөсү атка сүйрөтүп өлтүрүп алган. Бул тууралуу SUPER.KG порталы өздүк булактарына таянуу менен жазып чыкты.

“Буга чейин Нарын облусунун Кочкор районуна караштуу айылдардын биринде сарайдан 22 жаштагы келиндин жансыз денеси табылгандыгы тууралуу маалымат чыккан. 23-январь күнү кечке жуук 22 жаштагы келиндин күйөөсү мас абалда үйүнө келип аны ур-тепкиге алып, аёосуз сабаган. Күйөөсүнөн качып чыгып ылдыйкы малын бактырган кишинин үйүнө келген. Күйөөсү келиндин артынан ат менен барып ал жактан чынжыр менен атка байлап, өздөрү жашаган сарайга чейин сүйрөтүп келген. Тилекке каршы, коңшулары артынан барганда келиндин денеси жанчылып, боору эзилип каза болуп калган",- деп айтылат аталган маалыматта.