Лейлек районунда "Ууру" рейдинин жүрүшүндө 3 кылмыштын бети ачылды

Лейлекте эки күн ичинде 3 уурулуктун бети ачылды. Бул тууралуу Баткен ОИИБнын Басма сөз кызматы билдирди.

     Лейлек районунун аймагында 15-16-февраль күндөрү "Ууру" ыкчам иш-чарасы өткөрүлдү. Бул иш-чарага Лейлек РИИБнин кызматкерлери менен биргеликте жергиликтүү 8 жаран катышып, топторго бөлүнүп иш алып барышты.

     Иш-чаранын жүрүшүндө жергиликтүү тургундарга коомдук тартипти сактоо, кылмыштуулуктун алдын алуу, үй-бүлөлүк зордук-зомбулуктарды аныктоо боюнча иштер жүргүзүлдү. Ошондой эле мурда катталып, бети ачылбай калган кылмыштар боюнча ыкчам иш аракеттер уюштурулуп, жыйынтыгында 3 уурулуктун бети ачылды.