Москванын Коптево районунда ит ээсин тиштеп өлтүрдү. Бул тууралуу орус басылмалары жазып чыкты.
Mash.ru басылмасынын маалыматына ылайык, ал кишинин жанында 2 жана 4 жаштагы балдары болгон - жаныбар аларга тийген эмес.
Окуя көп кабаттуу үйлөрдүн биринде болгон. Жаш балдардын ыйлаганын уккан үй-бүлөнүн кошуналары 112 кызматына телефон чалган. Дарекке жеткен милиция кызматкерлери эшикти ачып, батирдин ээсинин тамагы тиштелип жатканын көрүшкөн. Окуя болгон учурда маркумдун жубайы үйдө болгон эмес.
Бир версия боюнча, чоң породадагы ит маал-маалы менен сабап тургандыгы үчүн кишиге кол салган болушу мүмкүн.
Пикирлер (0)
Пикир жок. Сиз биринчилерден болушуңуз мүмкүн