Россиянын Новосибирск шаарындагы аэропортто калган Кыргыз жарандары 11-апрелде келет. Бул тууралуу маалымат жыйында биринчи вице-премьер-министр Кубатбек Боронов айтты.
Анын айтымында, 20-марттан тартып бүгүнкү күнгө чейин чартердик рейстер аркылуу сырттан 4 769 адам алынып келинген.
“11-апрелде Кыргызстандан россиялык жарандарды алып чыгып кетүү үчүн атайын рейс мерчемделген. Учурдан пайдаланып, Новосибирсктен биздин мекендештердин биринчи бөлүгү кайтарылат”, - деди Боронов.
Эске салсак, Новосибирск шаарынын аэропортунда 294 Кыргыз жараны турганы айтылган.
Пикирлер (0)
Пикир жок. Сиз биринчилерден болушуңуз мүмкүн