Ош шаарындагы Араван каналына 9 жана 8 жаштагы балдар каналга чөгүп кетти. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, 20-август күнү Ош шаарынын Туран кичи районунда Күренкеев жана Алыкулов көчөлөрүнүн кесилишинде жайгашкан Араван каналына 2 жаш бала (2011-2012-жылдары туулган) чөгүп кеткен.
Бүгүн, 21-августта издөө иш-чараларын улантуу максатында ӨКМден жалпы 22 куткаруучу тартылып, издөө иштеринин натыйжасында саат 07:30 чамасында 2011-жылы төрөлгөн М.М. аттуу жаш баланын жансыз денеси табылып, туугандарына өткөрүлүп берилген.
Учурда издөө иш-чаралары жүргүзүлүүдө.
Пикирлер (0)
Пикир жок. Сиз биринчилерден болушуңуз мүмкүн