Ошто күчү 3 баллга жеткен жер титирөө катталды

17-октябрь саат 22:19да Ош облусунун аймагында жер титирөө катталды. Бул тууралуу ӨКМнын басма сөз кызматы билдирди.

Жер титирөө Өзгөн районунун Чымбай, Макмал, Кароол айылдарында жана Өзгөн шаарында 3 баллга чейин ал эми Кара-Дыйкан, Шералы, Куршаб, Ак-Жар, Мырза-Аки айылдарында 2,5 баллга чейин сезилген. Жер титирөөдөн жабыркагандар жана кыйроолор катталган жок.