Ош шаарында өрттөн 6 адам каза болду. Бул тууралуу Өзгөчө кырдаалдар министрлигинен билдиришти.
Маалыматка ылайык, бүгүн саат 05:52дө Орозбеков көчөсүндө жайгашкан турак үйдөн өрт чыккандыгы тууралуу маалымат түшкөн.
Өрттү өчүрүүгө саат 05:54тө бир бөлүм тартылып, тилсиз жоо саат 06:25те чектөөгө алынган. Учурда толук өчүрүү иштери жүргүзүлүүдө.
Алгачкы маалыматтар боюнча, өрт болжол менен саат 03:30 чамасында үйдүн жер төлөсүнөн чыгып, ал кыска убакыттын ичинде чатырына чейин тараган.
ӨКМдин Ош шаары боюнча башкармалыгынын ыкчам нөөмөтчүсү берген маалыматка ылайык, кырсыктын кесепетинен үйдүн 6 жашоочусу каза болду: 34 жаштагы аял жана 13, 11, 9, 6, 2 жаштагы балдары.
Өрт өчүрүүчүлөр жеткен учурда жарандардын сөөгү таанылгыс абалга келген.
Өрттүн келип чыгуу себеби такталууда.
Пикирлер (0)
Пикир жок. Сиз биринчилерден болушуңуз мүмкүн