Пакистан Кыргызстандагы окуу жайлар боюнча чечимин кайра өзгөрттү. Аталган мамлекеттин Медициналык комиссиясы жакында жыйынга чогулуп, биздин өлкөдөгү медициналык билим берген 4 окуу жайды “кара тизмеден” чыгарды. Алардын катарында И.Ахунбаев атындагы Кыргыз мамлекеттик медициналык академиясы, ОшМУнун медицина факультети, Кыргыз-Орус (Славян) университети жана Эл аралык жогорку медициналык мектеби бар.
Белгилей кетсек, мындан 3 жума мурда Пакистандын Медициналык комиссиясы Кыргызстандын медициналык окуу жайларынын баарын кара тизмеге киргизген. Ага Кыргызстандан бүткөн пакистандык студенттердин 90% Пакистандын Медициналык кеңешинен милдеттүү экзаменинен өтпөй калганы себеп болгон.
Пикирлер (0)
Пикир жок. Сиз биринчилерден болушуңуз мүмкүн