Садыр Жапаров расмий визит менен Казакстанга барат

Президент Садыр Жапаров 2024-жылы расмий визит менен Казакстанга барат. Бул тууралуу КР тышкы иштер министри Жээнбек Кулубаев Бишкекке визит менен келген казакстандык кесиптеши Мурат Нуртлеу менен болгон жолугушууда билдирди.

Анын айтымына караганда, ошондой эле быйыл эки өлкөнүн өкмөт башчыларынын төрагалыгы алдында кыргыз-казак өкмөттөр аралык комиссиясынын жыйыны болот.