Жайыл районундагы «Сосновка», Токтогул районундагы «Арал» постторунан оор жүк ташуучу унаалар өткөрүлүп баштады. Чектөөлөр бүгүн, 22-сентябрь күнү саат 06:00дө алынды.
ӨКМдин басма сөз кызматынын маалыматына караганда, Бишкек—Ош унаа жолунда унаа кырсыктарын, тыгындарды алдын алуу максатында аталган посттордо убактылуу чектөө киргизилген болчу.
Бишкек—Ош унаа жолундагы ашууларда 18-сентябрга караган түнү жааган кардын калыңдыгы 10-15 см болгон. Төө-Ашуу, Ала-Бел, Көк-Бел жана Суусамыр — Талас жолундагы Өтмөк ашуулары ошол эле күнү кардан тазаланган.
Пикирлер (0)
Пикир жок. Сиз биринчилерден болушуңуз мүмкүн