Улуттук коопсуздук боюнча мамлекеттик комитеттин (УКМК) төрагасы Камчыбек Ташиев 31-август - Кыргызстандын Эгемендүүлүк күнүнө карата уюштурула турган майрамдык иш-чаралардын алдында коопсуздук чаралары көрүлүп жатканын билдирди. Бул тууралуу Өткүрбек Рахманов Фейсбуктагы баракчасына жарыялады.
“Мен таӊкы 4:30 гана үйгө келип, эртеӊ менен кайра бул жакка учуп келдим. Себеби, коопсуздук маселесин карашыбыз керек. Көптөгөн маалыматтар болуп атат. Түнү менен атайын операцияларды жүргүзүп бир нече адамды кармап, ишмердигин токтоттук”. – деди ал.
Камчыбек Ташиев атайын кызмат кимдерди кармаганын тактаган жок. УКМКнын басма сөз кызматы да азырынча маалымат бере элек.
Пикирлер (0)
Пикир жок. Сиз биринчилерден болушуңуз мүмкүн