“Мекенчил” саясий партиясы талапкерлеринин тизмесин Борбордук шайлоо комиссиясына тапшырды. Бул тууралуу партия лидери Камчыбек Ташиев 13-августта өткөн партиянын кезексиз жыйынында билдирди.
Аынн айтымында, партиянын шайлоо программасы төрт багыттан турат. Алар: Баш мыйзамга өзгөртүү киргизүү, бир мандаттуу шайлоо ыкмасын кайтаруу, сот адилеттигин орнотуу, чек ара маселесин жөнгө салуу.
“Чар-жайыт, башаламан, коррупцияга жол ачкан шайлоо системасынан арылып эл менен бийликтин ортосундагы байланышты кайтарабыз. Ал үчүн парламент депутаттарынын санын 120дан 75ке азайтып, бир мандаттуу шайлоо ыкмасын кайра киргизебиз”, – деген Ташиев.
Пандемия шартына байланыштуу жыйын чакан чөйрөдө, жабык өтүп, иш-чарага журналисттер киргизилген эмес.
Пикирлер (0)
Пикир жок. Сиз биринчилерден болушуңуз мүмкүн