XXI кылым. Балалык – өтүлбөй калды… Чүкө атылбай, сай сагыз терилбей, ак чөлмөк ойнолбой калды

XXI кылым. Балалык – өтүлбөй калды… Чүкө атылбай, сай сагыз терилбей, ак чөлмөк ойнолбой калды. А балалыкта не жазык?

***

“Кош!” дебей “Жакшы кал!” де. Бизди үмүттөр байлап турсун…

***

Кыргызча сүйлөсөң оюңда кыргыздын жан-дүйнөсү бар, орусча сүйлөп, орусча окусаң орусча жан-дүйнө сезесиң, ошол сыяктуу жаңы чет тил сүйлөсөң жаңы жан-дүйнө сезесиң. Жаңы, башка жан-дүйнө! Чет тил билүүнүн пайдасы эле эмес касиети ушунда.

***

Баарыбыз өлөбүз. Бул чындык жана адилет. Бирок ар кимибиз ар башка себеп менен өлөбүз. Мен үчүн мына ушул адилет эмес.. Анткени капилет жабышкан оору, капилет келген кырсык, карасанатайлык, зордук-зомбулук, согуш... – мунун баары адилетсиз!

***

Сулуулар менменсинип койгон менен көбүнчө жалгыз болушат…

***

Карып атканыбызга сүйүнөлү. Адамдар жаш өлүп атышпайбы, жаш өлүп..!