Япония коронавирусу бар бейтаптарды дарылоо үчүн алгачкы дары-дармекти жактырды. Бул тууралуу Республикалык ыкчам штабдан билдирди.
Маалыматка ылайык, Remdesivir препараты COVID-19 вирусу тастыкталган бейтаптарды дарылоо үчүн жактырылган алгачкы дары-дармек каражаты болду. Ошондой эле «Фавипиравир» жана «Фавилавир» аты менен белгилүү болгон “Авиган” препараты дагы май айында жактырылышы мүмкүн.
Кытай дарыгерлери коронавирус чакырган пневмонияны дарылоодо аталган дарынын натыйжалуулугун аныкташкан.
Март айында Япониянын үй чарбаларынын чыгашалары төмөндөп, апрелде кызмат көрсөтүү чөйрөсүндөгү активдүүлүк рекорддук темпте кыскарды. Бул коронавирус пандемиясы өлчөмү боюнча 3-дүйнөлүк экономиканы тереӊ рецессияга алып келет деген божомолдорду күчөтүүдө, деп кошумчаланат маалыматта.
Пикирлер (0)
Пикир жок. Сиз биринчилерден болушуңуз мүмкүн