Япониянын Иокогама шаарынын бажы кызматкерлери тарыхында эң ири, контрабандалык жол менен 700 килограмм кокаин алып бараткандарды кармашты. Бул тууралуу чет элдик басылмалар жазып чыкты.
Маалыматка ылайык, баңгизат портто турган кемеден табылган. Кокаин банан салынган ящиктердин жанындагы контейнерде болгон. Ал эми кеменин мүчөлөрү тыюу салынган затка тийешеси жок экенин билдиришкен. Ошондой эле, кеме кайсыл жактан келгени да айтылган эмес.
Адистер бул баңгизаттын баасын 14 миллиард иен (130 миллион доллар) деп баалашкан. Япон полициясы жүккө Эл аралык ири контрабандисттердин тийешеси бар экенин божомолдогон. Ошондой эле, товар Японияга жеткирүүгө багытталбаганын, буйрутма бергендер өз убагында белгиленген жерден ала албай калган деген да пикирлерин айткан.
Пикирлер (0)
Пикир жок. Сиз биринчилерден болушуңуз мүмкүн