Жалал-Абаддын вице-мэри тез татымдан уулангандардан кабар алды

Жалал-Абад шаарындагы "Ага-ини" тез татым жайынан уулангандардын саны 40ка жеткен.

Жалал-Абад шаардык мэриясынан билдиришкендей, бүгүн, 1-июлда шаардын вице-мэри Гүлбарчын Таштанбекова Жалал-Абад облустук ооруканасынын жугуштуу оорулар бөлүмүндө жаткан бейтаптардын абалынан кабар алды.

Дарыгерлер бейтаптардын абалы канааттандыралык экенин билдирген.

Эске салсак, “Ага-ини” тез татым жайынан 28 адам тамак-ашка ууланып, ооруканага жаткырылган. Дагы 12 адам амбулатордук дарыланууда.