Жогорку Кеңеш Садыр Жапаровду премьер-министр кылып бекитти

Бүгүн, 10-октябрда Жогорку Кеңештин кезексиз жыйынында депутаттар Садыр Жапаровдун талапкерлигин премьер-министрлик кызматка колдоп беришти. 

Жыйында Садыр Жапаров учурдагы кырдаалга байланыштуу өкмөттүн курамында эч кандай өзгөрүүлөр болбой тургандыгын,  өкмөттүн түзүмү жана курамы ошол бойдон каларын билдирди. 

Садыр Жапаров жыйында вице-премьер-министр Асрандиев Эркин Шамшудинович кызматтан өзү оозеки баш тартканын жана ал бул курамда эмес экенин айтты.