Ордолуу Ош шаарында улуу талант Жолон Мамытовдун 80 жылдык мааракесине арналган ыр майрам кечеси өтөт.
Кече 1-2-апрель күндөрү "Жолон Мамытов" фондунун демилгеси менен, Ош шаардык мэриясынын, Кара-Суу коомунун, ОшМУнун колдоосу астында салтанаттуу түрдө өткөрүлмөкчү.
Жолон Мамытов Кыргыз поэзиясында өзүнүн оргиналдуу ыр саптары менен кыргыз улуттук поэзиясын жаңы бийиктиктерге көтөргөн акын. Анын "Отту сүйөм", "Жашыл аалам", "Убакыт", "Ырлар", "Мезгилдин элеси", "Буурул таңдын жомогу", "Суунун өмүрү", "Жарышкан суулар", "Атка токум салгыла", "Жүз жашка тол кылым", "Башат жана Мухит" аттуу поэтикалык жыйнактары басмадан чыгып, адабият күйөрмандарынын алкоосуна татыган. Айрым чыгармалары орус жана башка чет тилдерге которулган. Өзү да Федор Тютчевдин, Афанасий Феттин, Владимир Маяковскийдин, Миколас Слуцкистин айрым чыгармаларын кыргыз тилине которгон.
Мамытовдун 80 жылдык мааракеси өткөн жылы пандемияга байланыштуу, залкар акындын чыгармачылык мааракесин өткөрүү мүмкүн болбой, окурман журтунун онлайн колдоосу менен белгиленген.
Пикирлер (1)