Көк-Жар бир мандаттуу шайлоо округу боюнча Жогорку Кеңештин депутатын кайра шайлоо өткөрүлбөйт. Мындай чечимди БШК кабыл алды.
Өмүрбек Бакиров соттун чечиминин негизинде мандатынан ажыратылып, анын ордуна парламентте Равшанбек Рысбаев келери такталган. Ал 2021-жылдын ноябрь айында алган добуштарынын саны боюнча Өмүрбек Бакировдон кийин турат.
Борбордук шайлоо комиссиясы Өмүрбек Бакиров добуш сатып алды деп айыпталып жаткандыктан ага берилген добуштар жараксыз деп түшүндүрдү.
“Атайын Өмүрбек Бакиров үчүн добуш берүүнүн жыйынтыгын жокко чыгаруу 2021-жылдын 28-ноябрында өткөн шайлоонун жалпы жыйынтыгына таасирин тийгизбейт, ошондуктан жыйынтыктарды толугу менен жокко чыгаруунун, ошондой эле мөөнөтүнөн мурда үгүт иштерин жүргүзүүнүн зарылчылыгы жок”, - деп билдиришти БШКдан.
Пикирлер (0)
Пикир жок. Сиз биринчилерден болушуңуз мүмкүн