Өзгөндө күчү 3 баллга жеткен жер титирөө катталды

Ош облусунун Өзгөн районунда күчү 3 баллга жеткен жер титирөө катталды. Бул тууралуу Өзгөчө кырдаалдар министрлигинин басма сөз кызматынан билдирди.

Маалыматка ылайык, жер титирөө 14-апрель күнү саат 15:42де Өзгөн районунун Байбиче, Кара-Дөбө айылдарында 3 баллга чейин сезилген.

Ал эми жер титирөөдөн жабыркагандар жана кыйроолор катталган эмес.