Би-Би-Си белгилүү алып баруучуларынын биринин жашы жете элек бала менен көп жылдар бою интимдик кат алышып жүргөнү белгилүү болгондон кийин, аны кызмат ордунан бошотту. Бул тууралуу РИА Новости жазып чыкты.
Буга чейин «Sun» гезити Би-Би-Синин «миллиондорго тааныш» алып баруучусунан ачык сүрөттөрүн жибергени үчүн акча алган өспүрүмдүн апасы редакцияга кайрылганын жазган. Аялдын айтымында, баласы бат эле баңгизатка берилип кеткен. Басылманын айтымында, 2020-жылы кат алышуу башталганда өспүрүм 17 жашта болгон. Басылма ошондой эле шектүү алып баруучу айыптоолор коомчулукка жарыялангандан кийин эфирге чыкпай калганын белгиледи.
"Би-Би-Си анын алып баруучуларынын бири өспүрүмгө сексуалдык мүнөздөгү сүрөттөрү үчүн 35 000 фунт стерлинг (болжол менен 44 900 доллар) төлөгөндөн кийин полиция менен байланышканын билдирет... Аты аталбаган алып баруучу жумуштан четтетилди", — деп айтылат телеканалдын билдирүүсүндө.
Компаниянын маалыматы боюнча, анын кызматкеринин кат алышып жатканы тууралуу биринчи жолу май айында белгилүү болгон.
Би-Би-Синин башкы директору Тим Дэйви кызматкерлерге электрондук кат аркылуу бардык айыптоолорду "өтө олуттуу" кабыл алганын айтты. Ал ошондой эле кырдаалды "оор" деп атады.
Би-Би-Си жакынкы күндөрү процесс боюнча кенен маалымат берүүнү убада кылууда.
Пикирлер (0)
Пикир жок. Сиз биринчилерден болушуңуз мүмкүн