Бүгүн, 7-июнда Бишкек шаарында көп кабаттуу үйдө кооптуу жерде турган 3 жана 5 жаштагы кыз куткарылды. Бул тууралуу Өзгөчө кырдаалдар министрлигинин басма сөз кызматы кабарлады.
Маалыматка ылайык, Бишкек шаарынын Ленин районунун Т.Үмөталиев көчөсүндө жайгашкан көп кабаттуу үйдүн 5-кабатында, терезеде 3 жана 5 жаштагы 2 кичинекей кыз ойнөп, көзөмөлсүз жана кооптуу тургандыгы тууралуу маалымат ӨКМнин 112 кызматына түшкөн.
Бишкек шаардык Куткаруу кызматынын 5 куткаруучусу ыкчам түрдө
жерине жетип, наристелерди алып түшүү аракетин көрүшкөн.
Тартылган куткаруучулар 9-кабаттан 5-кабатка атайын альпинисттик шаймандын жардамы менен 2 кызды куткарып калышты.
Алар ИИМ кызматына өткөрүлүп берилген.
Белгилей кетсек, кичинекей кыздар ата-эненин көзөмөлүсүз калган.
Пикирлер (0)
Пикир жок. Сиз биринчилерден болушуңуз мүмкүн